Instalakuntza fotovoltaikoak etxeetako teilatu gainean, industria-pabilioien estalki gainean edota lurzoru gainean jarri ohi dira. ‘Sarera konektaturiko’ eta ‘isolatutako’ instalakuntzak bereiz daitezke.
Sarera Konektaturiko Sistema Fotovoltaikoak
Panel fotovoltaikoek eguzki orduetan elektrizitatea ekoizten dute eta hau sare elektrikora sartzen da zuzenean. Trukean, lekuko konpainia elektrikoak legez agindutako diru-kantitatea ordaintzen dio ekoizleari.
Mota honetako sistema fotovoltaikoak hiru elementu nagusi ditu: sorgailu fotovoltaikoa, alderanzgailua, eta babes eta neurrien kaxa. Zein lekutan da halako instalakuntza bat bideragarria?
Etxebizitzak
Industri edota nekazal pabilioien teilatuetan
Eguzki baratzak
Saretik isolatutako Sistema Fotovoltaikoak
Sortutako elektrizitatea bateria edo metagailuetan “metatu” egiten da, ondoren, beharrizanak daudenean erabiltzeko. Mota honetako instalakuntzak sare elektrikoa iritsi ezin daitekeen lekuetan erabiltzen dira.
Mota honetako sistema fotovoltaikoak lau elementu nagusi ditu: sorgailu fotovoltaikoa, metagailua, erreguladorea eta korronte alderanzgailua.
Zein lekutan da halako instalakuntza bat bideragarria?
Gune isolatuen elektrifikazioa
Ur hornikuntza
Telekomunikazioak, seinaleztapena eta hiri-argikuntza
Eguzki-energia fotovoltaikoa, eguzki-erradiazioa elektrizitate bihurtzean datza.
